“ოცნებას” რეგვენებად მიაჩნია საკუთარი ამომრჩეველი” – ამის შესახებ თავდაცვის ყოფილმა მინისტრმა, თინა ხიდაშელმა განაცხადა.
მისი თქმით, უკვე 6 თვეა “სასამართლოში იმის გარჩევა მიდის გაუწითლდა თუ გაუვარდისფრდა ლოყა დგებუაძეს”, ამის შემდეგ თინა ხიდაშელის განცხადებით, მას აღარანაირი იმედი არ აქვს, რომ “ოცნების” ამომრჩეველი რამეზე ხმას ამოიღებს.
“ისეთ რამეებს აკადრებს “ქართული ოცნება” საკუთარ ამომრჩეველს, ისეთ უკადრებელს აკეთებს, ისეთ რეგვენებად მიაჩნია საკუთარი ამომრჩეველი, რომ ყველანაირი უზნეობის მწვერვალი დაიპყრეს.
ის, რასაც ვუყურებთ მზია ამაღლობელის სასამართლო პროცესზე 6 თვის განმავლობაში, “ქართული ოცნება” საკუთარ ამომრჩეველს აჭმევს ამბავს იმის შესახებ, აცოცხლებს იმითი, გაუწითლდა თუ გაუვარდისფრდა ლოყა დგებუაძეს. ყოველდღე, 6 თვის განმავლობაში, სასამართლოში დაკითხვები მიმდინარეობს ადამიანების, მარტო იმაზე ლაპარაკობენ გაუწითლდა თუ გაუვარდისფრდა, ქალის მიერ გარტყმულ სილას რა მასშტაბის ტკივილი შეეძლო მიეყენებინა დგებუაძისთვის და რა მასშტაბისას ვერ მიაყენებდა.
ამას რომ გაკადრებენ. ამის უფლებას რომ აძლევ ადამიანებს, რომლებსაც ხმას აძლევ, ამას რომ გაკადრებენ, ამის მერე რა თქმა უნდა მათგან არანაირი მოლოდინი არ მაქვს, რომ ეს ხალხი რამეზე ხმას ამოიღებს, ან რამეზე რეაქცია ექნება, ან რამეზე ნერვი შეუტოკდება, ან რამე შეაწუხებს,” – განაცხადა თინა ხიდაშელმა.