მზიას ამაღლობელი პროკურატურასთან საპროცესო შეთანხმებაზე უარს ამბობს.
როგორც ჟურნალისტის ადვოკატი აცხადებს, პროკურატურა პრაქტიკულად დანაშაულის აღიარებას ითხოვს, რაც შეიძლება ჩაითვალოს ზეწოლად ბრალდებულზე.
“ეს საპროცესო ზუსტად იმავე ოპერის ნაწილია, რასაც პირველი დღიდან ხელისუფლების უმაღლესი თანამდებობის პირები საჯაროდ სთავაზობდნენ.
ყველაფერი დაიბრალე რაც ჩვენ ვერ დავადასტურეთო და მერე ვიფიქრებთ სასჯელის შემსუბუქებაზეო. მეტი ზეწოლა რა უნდა იყოს.
დღეს, ინკასო დაადეს “ბათუმელების”… ესეც იმავეს ეხმიანება, მზიაზე ზეწოლას, ესეც ზუსტად ამიტომ არის გაკეთებული. იმიტომ ზის ამდენი ხანი იქ, რომ არ აპირებს დაიბრალოს ის, რაც მას არ ჩაუდენია. ამიტომ ეს არის მისი პოზიცია,” – განაცხადა ადვოკატმა.
ცნობისთვის, პროკურორმა, დღეს, დასკვნით სიტყვაში განაცხადა, რომ ბრალდების მხარე მზადაა საპროცესო შეთანხმების გაფორმებისთვის მზია ამაღლობელთან.