უნდათ ვთქვათ, რომ კაცი შეიძლება გახდეს ქალი და თუ ამას არ ვიტყვით გვპირდებიან, რომ მათ ცრუ იდეოლოგიურ კოცონზე დაგვწვავენ, – აცხადებს შალვა პაპუაშვილი ჟურნალისტებთან, რითიც ბრიუსელის გზავნილებს საქართველოს მისამართით პასუხობს.
მისივე თქმით, ბრიუსელის თხოვნა იგივეა, რაც “რომ გვეღიარებინა, გვეთქვა, რომ დედამიწა არის ბრტყელი”.
“მოქალაქეებმა უნდა გაიაზრონ რა მოთხოვნები იქნა წამოყენებული ბრიუსელის მხრიდან. ორი საკითხია, ხომ? ერთი ეხება ოჯახური ღირებულებების და ბავშვთა უფლებების დაცვის კანონპროექტს და რაზეა აქ საუბარი, მარტო სათაური ხომ არ არის.
მთავარი საკითხი, რაც არის ამ კანონში არის ის, რომ ქალი ვერ გახდება კაცი და კაცი ვერ გახდება ქალი. ანუ ბრიუსელი გვეუბნება, რომ ჩვენ ავყვეთ ცრუ იდეოლოგიას და ვთქვათ, რომ კაცი შეიძლება გახდეს ქალი. აი, ეს არის სინამდვილეში, რაც არის მოწოდებული ამ კანონთან დაკავშირებით. ხომ ამას ეხება, რომ კაცი ვერ გახდება ქალი, ქალი ვერ გახდება კაცი. ის, რომ ეს ცრუ იდეოლოგია არის და არ უნდა ისწავლებოდეს, ამ იდეოლოგიით არ უნდა ხდებოდეს ტვინის გამორეცხვა ბაღებში და სკოლებში და უნივერსიტეტებში და ა.შ.
ეს იგივეა, რაც ბრიუსელს მოეთხოვა, რომ გვეღიარებინა, გვეთქვა, რომ დედამიწა არის ბრტყელი. აი, იმავე განზომილების ცრუ იდეოლოგია არის იმის თქმა, რომ კაცი შეიძლება გახდეს ქალი, როგორც იმის მოთხოვნა, რომ თქვა, რომ დედამიწა არის არა მრგვალი, არამედ არის ბრტყელი.
ევროპაში გვახსოვს ჩვენ პერიოდი, როდესაც ამას ამტკიცებდნენ, რომ დედამიწა არის ბრტყელი და ვინც ამბობდა, რომ დედამიწა ბრტყელი არ არის კოცონზე წვავდნენ. აი, ზუსტად ამას მაგონებს მე ბრიუსელის დღევანდელი ქცევა, რომელიც ითხოვს, რომ ვთქვათ, რომ დედამიწა მრგვალი კი არ არის ბრტყელია, ანუ ვთქვათ, რომ კაცი ვერ გახდება ქალი – ეს კი არ ვთქვათ, ვთქვათ, რომ კაცი შეიძლება გახდეს ქალი და თუ ამას არ ვიტყვით გვპირდებიან, რომ მათ ცრუ იდეოლოგიურ კოცონზე დაგვწვავენ.” – განაცხადა შალვა პაპუაშვილმა.