მიმდინარე აქციებისას დაკავებული გიორგი გორგაძე დღევანდელი სასამართლო პროცესის დაწყებამდე შეუძლოდ გახდა.
სასამართლო დარბაზში სასწრაფო დახმარება გამოიძახეს, დამსწრეებს კი დარბაზი დაატოვებინეს.
დაკავებულებიდან ერთ-ერთის ადვოკატის, არჩილ ჭავჭანიძის ცნობით, ექიმმა მათ უთხრა, რომ გორგაძემ დილით, მშიერ კუჭზე „ნიმესილი“ დალია, ამასთან, რამდენიმე დღის წინ ფილტვების ანთება ჰქონდა, ეს მდგომარეობა კი შემდეგ პერიოდს ახასიათებს. ადვოკატის თქმით, ბრალდებულს საჭმელს მიუტანენ, მდგომარეობას სასწრაფოს ბრიგადაც შეაფასებს და იმის მიხედვით გადაწყვეტენ თუ როგორ იმოქმედონ.
შეგახსენებთ, მას ჯგუფურ ძალადობაში მონაწილეობას ედავებიან. აღნიშნული მუხლი 4-დან 6-წლამდე თავისუფლების აღკვეთას ითვალისწინებს