გუშინ, სადგურის მოედნის მიმდებარე ტერიტორიაზე საცხოვრებელი კორპუსი ჩამოინგრა.
შედეგად, დაიღუპა 2 ადამიანი, დაშავდა 1.
აღნიშნულთან დაკავშირებით, დიდუბის მაჟორიტარმა, გივი ჩხარტიშვილმა გააკეთა კომენტარი.
„ლაბორატორიული დასკვნა არსებობს, სადაც არის მესამე კატეგორია. 2017 წელს ეს კორპუსი არის გამაგრებული და მოსახლეობას არაერთხელ შევთავაზეთ, ავარიული სახლების ჩანაცვლების პროგრამასთან დაკავშირებით, სადაც 100%-იანი თანხმობა ვერ ხერხდებოდა.
მესამე ხარისხი იმ დონის ავარიულობა არ არის, რომ აიკრძალოს შენობაში ცხოვრება ან რაიმე ისეთი უსაფრთხოების ნორმები იქნეს მიღებული, რომელიც ცხოვრებას აკრძალავს, ან უსაფრთხოების ჯებირები იქნება განსათავსებელი.
დედაქალაქის მასშტაბით ძალიან ბევრი მესამე კატეგორიის, მესამე ხარისხის დაზიანების კორპუსები და იტალიური ეზოები არსებობს“, – განაცხადა მან.