“ევროსკოპის“ ინფორმაციით, სამშაბათს, კაია კალასი მინისტრებს თარგეთირებული სანქციებისთვის(ადამიანის უფლებების დაrღვევებზე პასუხისმგებლებს), 15 პირის სიას წარუდგენს.
ამის შესახებ ჟურნალისტი თამარ ნუცუბიძე სოციალურ ქსელში წერს.
მისივე ცნობით, “15 პირს შორის მოსამართლეებიც არიან, თუმცა, ამ ეტაპზე, კონსენსუსი კვლავ არ არის.“
განხილვის საკითხი იქნება ასოცირების ხელშეკურულება და უვიზო რეჟიმიც-წერს ჟურნალისტი.
“ასევე, რადგან საქართველო დღის წერიგში მეორე საკითხად არის, იქნება მოცულობითი განხილვა და როგორც წყარო ევროკავშირიდან ამბობს, არის მოლოდინი რომ, მინისტრები იმ საკითხებსაც წამოჭრიან, რაც ევროპარლამენტის ანგარიშშია. განხილვის საკითხი იქნება ასოცირების ხელშეკურულება და უვიზო რეჟიმიც. ყველაფერი მაგიდაზეა, გვიმეორებს წყარო. უნდა გვახსოვდეს ისიც რომ, საგარეო საქმეთა მინისტრებსაც შეუძლიათ თავიანთი წინადადებები წარადგინონ დახურულ კარს მიღმა,-წერს ნუცუბიძე.
ცნობისთვის, 15 ივლისს, ევროპული საბჭოს ევროკავშირის საგარეო საქმეთა მინისტრების შეხვედრაზე ბრიუსელში, სხვა თემებთან ერთად საქართველოს საკითხს განიხილავენ.