უკრაინაში ადამიანის უფლებათა მონიტორინგის გაეროს მისიის ცნობით, ივნისში, უკრაინაში მშვიდობიან მოსახლეობაში მსხვერპლის რაოდენობამ პიკს მიაღწია – დაიღუპა 232 და დაიჭრა 1343 სამოქალაქო პირი.
ანგარიშის თანახმად, ბოლო სამი წლის განმავლობაში სამოქალაქო მოსახლეობაში ყველაზე დიდი მსხვერპლი სწორედ 2025 წლის ივნისში იყო. მსხვერპლის 98% დაფიქსირებულია უკრაინის მთავრობის მიერ კონტროლირებულ რაიონებში.
გაეროს მისიის მიერ დოკუმენტურად დადასტურებული მონაცემებით, 2025 წლის პირველ ნახევარში(იანვარი-ივნისი) უკრაინაში დაიღუპა 1098 და დაიჭრა 5656 სამოქალაქო პირი.