„მეტეხის ხიდთან ანომალიური ადგილებია, იქ უცხოპლანეტელებთან კონტაქტიც შესაძლებელია” – მიხეილ ცაგარელი

ასტროლოგი მიხეილ ცაგარელი ჟურნალ „სარკის“ 26 მარტის ნომერში საუბრობს მეტეხის ხიდთან დაკავშირებულ მისტიკურ მომენტებზე:

– ბატონო მიხეილ, მეტეხის ხიდთან მომხდარი უბედური შემთხვევები, შესაძლებელია, რომ ანომალიური ველის გაძლიერების შედეგი იყოს?

– დიახ. თავის დროზე მეტეხის ხიდთან ბევრი ჭაობი იყო, რომლებიც ამოაშრეს და ითვლება ანომალიურ ადგილებად. გასული საუკუნის 90-იან წლებში მაგ ზონაში უცხოპლანეტელებთან კონტაქტიც შესაძლებელი იყო, განსაკუთრებით, გვირაბებში. მეტეხის ხიდის გვერდით კიდევ მიდის ერთი გზა, სადაც არის გვირაბი და იქ უცხოპლანეტელების ანომალიური შემთხვევებია დაფიქსირებული. ახლა ამაზე არავინ საუბრობს, რადგან საზოგადოება მზად არ არის, ეშინიათ, ხალხი პანიკამ არ მოიცვას. თავის დროზე მკვლევარმა თალეს შონიამ ამის შესახებ რამდენიმე სტატია გამოაქვეყნა გაზეთ „ახალგაზრდა კომუნისტში“, რასაც დიდი ამბები მოჰყვა და პუბლიკაციები შეწყდა“.