ალეკო ახვლედიანს, ვისი სტუმარიც თორნიკე რიჟვაძე იყო, 30 000-ლარიანი გირაო შეუფარდეს – საზღვაო ტრანსპორტის სააგენტოს დირექტორი სასამართლო დარბაზიდან გათავისუფლდა. გადაწყვეტილება ეკა ბარბაქაძემ ადგილზე თათბირის შემდეგ გამოაცხადა.
55 წლის ახვლედიანს პროკურატურა ედავება იარაღის დაუდევრად შენახვას, – გამოძიების ვერსიით, სწორედ მის სახლში, მისი კუთვნილი იარაღით სცადა აჭარის მთავრობის ყოფილი მეთაურმა თვითმკვლელობა
შეგახსენებთ, 7 ივლისს, საგარეჯოს „ჯეოჰოსპიტალსში“, შეყვანილი იქნა თორნიკე რიჟვაძე, რომელსაც გულმკერდის არეში ცეცხლნასროლი ჭრილობა აღენიშნებოდა.თორნიკე რიჟვაძეს ჩაუტარდა გადაუდებელი სამედიცინო დახმარება. მოგვიანებით, თორნიკე რიჟვაძე საგარეჯოდან თბილისში, პირველ საუნივერსიტეტო კლინიკაში გადაიყვანეს. ექიმების განმარტებით მას ფილტვი აქვს დაზიანებული და მისი ჯანმრთელობის მდგომარეობა სტაბილურად მძიმეა.
ვრცელდება ვერსია, რომ თორნიკე რიჟვაძემ თვითმკვლელობა სცადა და მან წერილი დატოვა.
„შინაგან საქმეთა სამინისტროში გამოძიება სისხლის სამართლის კოდექსის 115-ე მუხლით არის დაწყებული, რაც თვითმკვლელობამდე მიყვანას გულისხმობს. ფაქტთან დაკავშირებით მიმდინარეობს ინტენსიური საგამოძიებო მოქმედებები.