კოალიცია „ძლიერი საქართველოს“ ერთ-ერთმა ლიდერმა, ალეკო ელისაშვილმა „ტვ პირველთან“ აჭარის ავტონომიური რესპუბლიკის ყოფილი ხელმძღვანელის, თორნიკე რიჟვაძის საქმის შესახებ ისაუბრა.
ელისაშვილის თქმით, მან დანამდვილებით იცის, რომ თორნიკე რიჟვაძეს სცემეს, მამა, დავით რიჟვაძე კი დაკავებული ჰყავდათ.
„მე არ მჯერა თვითმკვლელობის. ჯერ ერთი, კაცი რომ თავს იკლავ, ბათუმინდა საგარეჯოში რატომ უნდა წახვიდე და მერე მეორე, თავს რომ იკლავ, ფილტვში არ დაიმიზნებ, აჭარას ხელმძღვანელობდა კაცი და მაგდენი ანატომია უნდა იცოდეს. ბიძინა “აკაჩავებს” თავისიანებს. ერთი დანამდვილებით ვიცი, რომ რიჟვაძის მამა პატიმრობაში ჰყავდათ, თვითონ სცემეს და აიძულებდნენ ფულის დაბრუნებას, ეს ვიცი ნამდვილად და ეს აღარ უმალება. ბიძინამ უკვე “რაზბორკები” დაიწყო პარტიაში და აბსოლუტურად დარწმუნებული ვარ, რომ გუშინ დილიდან “ქართული ოცნება” არის თავზარდაცემული ამ ფაქტით. ერთია, რომ ბიძინა ივანიშვილი უყვარდათ მანამდე, სანამ ფულს აპარინებდათ და უკან თუ დააბრუნებინებს, დახვრეტს და დახოცავს იმ ხალხს, ეგეთი ბიძინა ნამდვილად აღარ სჭირდებათ“, – განაცხადა ელისაშვილმა.
შეგახსენებთ, ოფიციალური ინფორმაციით, თორნიკე რიჟვაძემ თვითმკვლელობა 7 ივლისს სცადა.
შსს-ის ცნობით, მას გულმკერდის არეში ცეცხლსასროლი იარაღით მიყენებული ჭრილობა აღენიშნებოდა.
შემთხვევა საგარეჯოში, ალექსანდრე ახვლედიანის სახლში მოხდა.