მთავრობის ადმინისტრაციაში ბიზნეს-სექტორის წარმომადგენლების და ირაკლი კობახიძის შეხვედრა დასრულდა.
როგორც ბიზნესმენმა, თემურ ჭყონიამ შეხვედრის შემდეგ განაცხადა, მნიშვნელოვან გეგმებზე და სტარტეგიებზე არ უსაუბრიათ და მხოლოდ ბიზნესზე ზოგადი საუბრებით შემოიფარგლნენ.
მისი თქმით, “მსგავსი შეხვედრები ბიზნესს აძლევს მოტივაციას და მეტი არაფერი.“
გადაგვიხადა მადლობა გადასახადების სწორ გადახდაში, ბიუჯეტის შევსებაში. რამე სკანდალი არ ყოფილა. ძირითადად ბიზნესზე იყო საუბარი, პოლიტიკაზე საუბარი არ ყოფილა. საინტერესო იყო,როგორ გავახმაურო არ ვიცი, შესაძლოა, უხერხულია, მაგრამ ოპტიმიზაცია იქნება, უსაქმურების შემცირება იქნება, სახელმწიფოში ბევრი უსაქმური ყოფილა, ეგ კი ვიცოდით, მაგრამ ახლა ხდება შემცირება. პროგრამული და კრიზისიდან გამოსვლის თემები არ ყოფილა. როგორ შეიძლება თქვა, რომ ქვეყანაში არ არის კრიზისი, ყველგანაა, გააჩნია, რას დაარქმევ მას. ასეთ შეხვედრებზე, მგონია, რომ გეგმებზე, პრეზენტაციებზე და სტრატეგიებზე არ საუბრობენ. ,- თქვა მან.
რაც შეეხება პატიმრობაში მყოფი ბიზნესმენების – მამუკა ხაზარაძის და ბადრი ჯაფარიძის თემას, ჭყონიას თქმით, დღეს ისეთი ფორმატი არ ყოფილა, სადაც მათზე საუბარს შეძლებდა.
“მამუკა და ბადრი ჩემი მეგობრები არიან, ძალიან განვიცდი მათ ამბავს, მაგრამ ფორმატს გააჩნია, სად უნდა ილაპარაკო და ასეთი ფორმატი არ ყოფილა,-განაცხადა ჭყონიამ.