აშშ-ისა და რუსეთის პრეზიდენტებს, დონალდ ტრამპსა და ვლადიმერ პუტინს შორის სატელეფონო საუბარი დასრულდა.
პუტინის თანაშემწის, იური უშაკოვის განცხადებით, კრემლის ხელმძღვანელმა ტრამპს განუცხადა, რომ უკრაინის წინააღდმეგ ომში, რუსეთი თავისი მიზნების განხორციელებას გააგრძელებს.
“ჩვენმა პრეზიდენტმა განაცხადა, რომ რუსეთი გააგრძელებს თავისი მიზნების მიღწევას, კერძოდ, იმ ძირითადი მიზეზების მოგვარებას, რამაც გამოიწვია არსებული სიტუაცია და არ დაიხევს უკან ამ მიზნებისგან”, – თქვა მან.
უშაკოვის თქმით, ტრამპმა კიდევ ერთხელ გაუსვა ხაზი კონფლიქტის სწრაფად დასრულების აუცილებლობას, ხოლო პუტინმა საპასუხოდ ირწმუნება, რომ კრემლი აგრძელებს ომის პოლიტიკური მოლაპარაკებების გზით გადაწყვეტის ძიებას.
ცნობილია, რომ ორ პრეზიდენტს შორის საუბარი ერთ საათზე მეტ ხანს გაგრძელდა და უკრაინის ომის გარდა, ახლო აღმოსავლეთში არსებულ ვითარებასაც შეეხო.