“ნაციონალური მოძრაობის” ერთ-ერთმა ლიდერმა, ლევან ხაბეიშვილმა TV პირველის ეთერში განაცხადა, რომ “ქართულმა ოცნებამ” საზღვარზე არ გაუშვა ქართველი ბიზნესმენი, ნოშრევან ნამორაძე.
“ნოშიკო ნამორაძე ქართული ოცნების მეხოტბე იყო, მაგრამ მე ვიცი, რომ ახლა პრობლემები აქვს. მათ შორის, ჩემი ინფორმაციით, ნოშიკო ნამორაძე საზღვარზე არ გაუშვეს. რავიცი, გამოჩნდეს და თავად თქვას თუ არ აქვს პრობლემები. როცა არ ჰქონდა, ხომ გამოჩნდებოდა ხოლმე, ილანძღებოდა და აგინებდა წინა ხელისუფლებას. რავიცი, მე ამ ბიზნესმენზე ეს ინფორმაცია მაქვს. სხვა ბიზნესმენებსაც მიმდგრები არიან და ეუბნებიან, “ფული მოიტანე ჯიგარო”. ივანიშვილი ასე უყურებს, რომ აქ რა ფულსაც შოულობენ, მისია” – თქვა “ერთიანობა – ნაციონალური მოძრაობის” ლიდერმა ლევან ხაბეიშვილმა TV პირველის ეთერში.