ევროპაში ტემპერატურა რეკორდულ მაჩვენებელზეა.
იტალიაში, მაღალი ტემპერატურის გამო, ორი ადამიანი დაიღუპა.
საფრანგეთში და მათ შორის პარიზში, უკიდურესი სიცხის შესახებ საფრთხის ყველაზე მაღალი დონეა გამოცხადებული.
დროებით დაიხურება ეიფელის კოშკი.
პორტუგალიისა და ესპანეთის ნაწილებში მიმდინარე კვირაში ტემპერატურამ 46 გრადუსს მიაღწია.
სინოპტიკოსები მომდევნო დღეებში ტემპერატურის მცირედით კლებას პროგნოზირებენ, თუმცა ის კიდევ უფრო მოიმატებს ბალკანეთში, იტალიასა და საბერძნეთში.