ავლაბარში, ლუდის მაღაზიაში დაწყებული დაპირისპირება მკვლელობით დასრულდა. საქმის მასალების მიხედვით, ბრალდებულმა 39 წლის კაცი დანით მოკლა და ადგილზე დატოვა. მსხვერპლის გადარჩენას ხალხი ცდილობდა, თუმცა უშედეგოდ. ადგილზე მისულ სასწრაფოს ის უკვე გარდაცვლილი დახვდა. სასიკვდილო ჭრილობები კაცს გულის არეში ქონდა მიყენებული.
მომხდარ ფაქტზე დაკავებულია 62 წლის კაცი. მას ხელბორკილები დანაშაულის ადგილიდან რამდენიმე კილომეტრში დაადეს, რადგან ის მიმალვას ცდილობდა. წინასწარი ინფორმაციით, სავარაუდო დამნაშავე და მსხვერპლიც ნასვამები იყვნენ.
ჯერ უცნობია აღიარებს, თუ არა დაკავებული ბრალს.