აზერბაიჯანის ოპოზიციის ლიდერი და ყოფილი სახელმწიფო მდივანი ალი ქარიმლი საქართველოში მიმდინარე პოლიტიკურ პროცესებს ეხმიანება და ამბობს, რომ საქართველო ავტორიტარიზმისკენ რუსეთის პატრონაჟით გადახრა
მისი შეფასებით, მოსკოვმა გააძლიერა მცდელობები სამხრეთ კავკასიაში გავლენის აღდგენისთვის, რაც შესაძლებელი გახდა ახლო აღმოსავლეთში კრიზისის ფონზე წარმოშობილი გეოპოლიტიკური ვაკუუმის ხარჯზე.
“რუსეთი დღესაც იკავებს საქართველოს ტერიტორიის 20%-ს. თუმცა მისთვის ძნელია პირდაპირი ჩარევა ქვეყნის შიდა საქმეებში. ამიტომ ის იყენებს მმართველ პარტია “ქართული ოცნების” გავლენას — პოლიტიკური ძალის, რომელიც პრომოსკოვურ კურსს მისდევს. ბოლო პერიოდში გაძლიერდა რეპრესიები სამოქალაქო საზოგადოების და ოპოზიციური პარტიების წინააღმდეგ, რომლებიც ევროინტეგრაციას უჭერენ მხარს.
მთავრობამ დაამტკიცა ე.წ. “უცხოელი აგენტების” კანონი — რუსეთის კანონმდებლობის ანალოგი — რათა დაუპირისპირდეს არასამთავრობო ორგანიზაციებს და დამოუკიდებელ მედიას. დაპატიმრებულია რამდენიმე ოპოზიციური ლიდერი: ნიკა მელია, ირაკლი ოქრუაშვილი და ზურაბ ჯაფარიძე, რომლებიც დაჩქარებული სასამართლო პროცესების შედეგად მიუსაჯეს 7-8 თვიანი პატიმრობა. დამკვირვებლები აფრთხილებენ, რომ ეს მხოლოდ დასაწყისია და საქართველო კიდევ უფრო უახლოვდება ავტორიტარიზმის მოდელს, რომელიც უკვე დამკვიდრდა მეზობელ აზერბაიჯანში”- ამბობს ის.