“მოიყვანეს ონო. მოვეფერეთ და ვიტირეთ ბევრი. მამასაც შეეხო ონო და ეფერა” – სანდრო ცხადაძე

მოიყვანეს ონო. მოვეფერეთ და ვიტირეთ ბევრი. მამასაც შეეხო ონო და ეფერა, – წერს პატიმრის, ონისე ცხადაძის ძმა, სანდრო ცხადაძე სოციალურ ქსელში და ამასთან ერთად, მადლობას უხდის საქმის პროკურორებს, პენიტენციურ და საბადრაგო სამსახურებს.

„მოიყვანეს ონო. მოვეფერეთ და ვიტირეთ ბევრი. მამასაც შეეხო ონო და ეფერა. უღრმესი მადლობა საქმის პროკურორებს ამ ყველაფერზე დათანხმებისთვის.
განსაკუთრებული მადლობა პენიტენციურ და საბადრაგო სამსახურებს. რომ არა მათი ნება და კეთილგანწყობა, ონო ამას ვერ შეძლებდა.
და, რა თქმა უნდა, განუზომელი მადლობა ლაშა ცუცქირიძეს, რომლის ვალიდან ვერასოდეს ამოვალ“, – დაწერა სანდრო ცხადაძემ.

ცნობისთვის, 28 ივნისს ცნობილი გახდა, რომ პროკურატურამ გაითვალისწინა თხოვნა, ონისე ცხადაძის ციხიდან გამოყვანასთან დაკავშირებით, კონკრეტული დროის და ღონისძიების ფარგლებში.

შეგახსენებთ, ონისე ცხადაძეს მამა 27 ივნისს გარდაეცვალა.