“მივიღეთ გადაწყვეტილება, მეტროსადგური დაიკეტოს 45 დღით” – რომელი მეტოსადგური დაიკეტება 12 ივლისიდან?

თბილისის მერის, კახა კალაძის თქმით, მეტროსადგური „ვარკეთილი“ სარეაბილიტაციო სამუშაოების გამო 12 ივლისიდან 45 დღით დაიკეტება.

[…] “პროექტით განსაზღვრულია საკმაოდ მოცულობითი სამუშაოების ჩატარება სპეციალური ტექნოლოგიური პროცესის დაცვით, რომელთა განხორციელებაც მგზავრების მოძრაობის პირობებში შეუძლებელია. შესაბამისად, რკინა-ბეტონის თაღზე და საესკალატორო გვირაბში დამატებითი სარეაბილიტაციო სამუშაოების ვადის მინიმუმამდე დაყვანის მიზნით, მივიღეთ გადაწყვეტილება, მეტროსადგური „ვარკეთილი“ 12 ივლისიდან დაიკეტოს 45 დღით. შემდეგ გადავალთ უშუალოდ მოპირკეთების სამუშაოებზე. უსაფრთხოებიდან გამომდინარე საჭიროა, რომ სადგური 45 დღით იყოს დაკეტილი“. – განაცხადა კახა კალაძემ.