“მოვითხოვთ, მოხერხდეს და კამერა შემოვიდეს დარბაზში” – ანდრო ჭიჭინაძე

პატიმრობაში მყოფი მსახიობი, ანდრო ჭიჭინაძე მედიისთვის დაწესებულ შეზღუდვებს ეხმიანება, რომლის თანახმადაც იზღუდება დარბაზებში, დერეფნებსა და ეზოში ფოტო-ვიდეოგადაღება.

ანდრო ჭიჭინაძემ დღევანდელ სასამართლო სდომაზე განაცხადა, რომ მოითხოვს, მოხერხდეს და კამერა დარბაზში შევიდეს.

“მოვითხოვთ(ყველას სახელით) მოხერხდეს და კამერა შემოვიდეს დარბაზში, თქვენც მინდა გთხოვოთ ყველანაირი ძალისხმევა ჩადოთ, რომ ეს ესე მოხდეს, ალბათ საქართველოში ყველამ იცის ეს საქმე და მნიშვნელოვანია, რომ სწორი ინფორმაცია მივიდეს იმ ადამიანამდე, რომელსაც ეს ყველაფერი აინტერესებს.
ეს კანონი მიიღეს იმიტომ, რომ უბრალოდ პროპაგანდისტულად არ გამოუვიდოდათ ის, რისი გაკეთებაც უნდოდათ მათ რომ გამოსვლოდათ ის აბსურდი რასაც გვაბრალებენ, ის აბსურუდული მუხლი იქნება თუ ეს ყველაფერი აბსურდი არის, უნდოდათ გამოსვლოდათ ეს ყველაფერი და რომ გამოსვლოდათ ამ კანონს ვერ მიიღებდნენ. ერთერთი მიზეზი არის რომ ვერ შეძლეს რაც ჩაფიქრებული ჰქონდათ და გადაწყვიტეს ინფორმაცია დამალონ”, – განაცხადა ანდრო ჭიჭინაძემ.

შეგახსენებთ, 2025 წლის 28 ივნისს საქართველოს საკანონმდებლო მაცნეში გამოქვეყნდა და შესაბამისად ძალაში შევიდა „ქართული ოცნების“ მიერ პარლამენტში დაჩქარებული წესით მიღებული ახალი ცვლილებები.
ცვლილებების თანახმად, იზღუდება გადაღება სასამართლოში – სასამართლოს შენობაში, სასამართლო სხდომის დარბაზში, სასამართლოს ეზოში – ფოტო-ვიდეოგადაღება და ტრანსლაცია დაუშვებელია.