“დავინახე, რომ ძირს ეგდო ის ბიჭი, დანით დაჭრა” – თბილისში მომხდარი მკვლელობის დეტალები

შსს-ს ინფორმაციით, განზრახ მკვლელობის ბრალდებით, 1963 წელს დაბადებული ზ.მ. დააკავეს. დანაშაული 15 წლამდე ვადით თავისუფლების აღკვეთას ითვალისწინებს.

როგორც თვითმხილველები ამბობენ, კაცი ცივი იარაღის გამოყენებით მოკლეს.

არსებული ინფორმაციით, ფიზიკურ დაპირისპირებას ურთიერთშელაპარაკება უძღოდა წინ.

“დავინახე, რომ ძირს ეგდო ის ბიჭი, დანით დაჭრა.” – ამბობს თვითმხილველი.

როგორც უწყების მიერ გავრცელებულ ინფორმაციაშია ნათქვამი, მიმდინარე წლის 29 ივნისს, ბრალდებულმა თბილისში, ურთიერთშელაპარაკების ნიადაგზე, ცივი იარაღით – 1986 წელს დაბადებული გ.ბ. დაჭრა და შემთხვევის ადგილიდან მიიმალა.

დაჭრილი გ.ბ. მიყენებული დაზიანების შედეგად ადგილზე გარდაიცვალა.

სამართალდამცველებმა, ჩატარებული ოპერატიული ღონისძიებების შედეგად, ზ.მ. მომხდარიდან მალევე დააკავეს.” – ნათქვამია ინფორმაციაში.