რომის პაპი ლეონ XIV სოციალურ ქსელ X-ით უკრაინელებს მიმართავს.
„მინდა გამოვხატო ჩემი სოლიდარობა ტანჯული უკრაინის, ბავშვების, ახალგაზრდების, მოხუცების და განსაკუთრებით იმ ოჯახების მიმართ, რომლებიც გლოვობენ თავიანთ ახლობლებს. ვიზიარებ თქვენს ტკივილს ამ უაზრო ომის ტყვეებისა და მსხვერპლის გამო“, – წერს ლეონ XIV.
პაპის მიმართვას გამოეხმაურა უკრაინის პრეზიდენტი, ვოლოდიმირ ზელენსკი.
„მადლობა თქვენო უწმინდესობავ თქვენი მუდმივი ლოცვისა და თანაგრძნობისთვის უკრაინისა და ჩვენი ხალხის მიმართ.
ერთად უნდა შევაჩეროთ ეს თვითნებური რუსული აგრესია და დავიცვათ უდანაშაულო ადამიანების სიცოცხლე. საჭიროა სამართლიანი მშვიდობა. ჩვენ ასევე ღრმად მადლიერები ვიქნებით თქვენი დახმარებისთვის ყველა ჩვენი მოქალაქის – ზრდასრულისა და ბავშვის – დაბრუნებაში, რომლებიც რუსეთის ტყვეობაში არიან მათი ნების საწინააღმდეგოდ“, – წერს ის სოციალურ ქსელში.