აქციების დროს დაკავებული ონისე ცხადაძის მამა გარდაიცვალა. ამის შესახებ ინფორმაცია სოციალურ ქსელში გავრცელდა.
“ჩემი მამიკო აღარაა”- წერს სანდრო ცხადაძე.
ცნობისთვის, დღეს მოსამართლემ აქციებზე დაკავებული 11 პირი პატიმრობაში დატოვა. საქმე შეეხება პარლამენტთან გამართულ საპროტესტო აქციებს, სადაც ჯგუფურ ძალადობაში მონაწილეობის ბრალდებით 11 პირი დააკავეს, მათ შორის მსახიობი ანდრო ჭიჭინაძე და იუმორისტი ონისე ცხადაძე. ბრალდებულებს საქართველოს სისხლის სამართლის კოდექსის 225-ე მუხლის მეორე ნაწილით წარედგინათ ბრალი, რაც 4-დან 6 წლამდე თავისუფლების აღკვეთას ითვალისწინებს.