კოალიცია “ცვლილებებისთვის” ერთ-ერთი ლიდერი, ნიკა გვარამია სოციალურ ქსელში ირან-ისარელის ომს და ამ ომში აშშ-ის ჩართვას ეხმიანება.
“ის რაც აშშ -მ ირანთან დაკავშირებით გააკეთა, უდიდესი მნიშვნელობის ისტორიული მოვლენაა.
სამართლიანობისთვის უნდა ითქვას , რომ პრეზიდენტი ტრამპი ამ ნაბიჯით მსოფლიო ისტორიაში ჩაეწერა ძალიან მძიმეწონიან ლიდერად, რომელმაც სამყარო პოზიტიური მიმართულებით შეცვალა. სულ რომ არარაფერი აკეთოს, ეს მაინც ასეა.
იმედს ვიტოვებ, უკრაინის მიმართულებითაც გადაიდგმება ამ მნიშვნელობის და წონის გადამწყვეტი ნაბიჯი და, ცხადია, ძალიან დიდი სურვილი მაქვს, ჩემი სამშობლოს გადარჩენაშიც თავისი წონადი სიტყვა თქვას აშშ-მ”- წერ სნიკა გვარამია.
ცნობისთვის, აშშ-მა ირანში სამ ბირთვულ ობიექტს შეუტია. აშშ-ის პრეზიდენტმა დონალდ ტრამპმა „შესანიშნავი სამხედრო წარმატების“ შესახებ 21 ივნისს გამოაცხადა და თქვა, რომ აშშ-ის ბომბდამშენებმა ფორდოს, ნათანზის და ისპაჰანის ბირთვულ ობიექტებზე იერიში მიიტანეს ისრაელთან ერთობლივი ძალისხმევით, რათა ირანის ბირთვული პროგრამა გაენადგურებინათ მას შემდეგ, რაც დიპლომატიურმა მცდელობებით ვერ შეძლეს თეირანის მოლაპარაკებების მაგიდასთან დაბრუნება.
მოგვიანებით, 24 ივნისს, დილით შტატების ლიდერმა დაწერა, რომ ისრაელსა და ირანს შორის ცეცხლის შეწყვეტის შესახებ შეთანხმება ძალაში შევიდა და მოუწოდა ირანსა და ისრაელს, არ დაარღვიონ შეთანხმება. ამასთან, ტრამპის თქმით, „ისრაელი ირანზე თავდასხმას არ აპირებს, ყველა თვითმფრინავი უკან დაბრუნდება, ცეცხლის შეწყვეტა ძალაშია“.