თამარ ჩერგოლეიშვილი სოციალურ ქსელში ბრიტანეთის ელჩის განცხადებას შემდეგი პოსტით ეხმიანება.
“ბრიტანეთის მთავრობას, რომელმაც გადაწყვიტა რუსული ყაიდის რეგულაციები დაეცვა და გრანტებზე ნებართვა მიეღო, რეჟიმმა გრანტების გაცემა დაუბლოკა – დე ფაქტო.
ირონიულია, რომ გრანტი თვითმმართველობის არჩევნების შესახებ იყო – ამაზე ცხადად როგორ თქვან, რომ ფარსი იგეგმება არჩევნების ნაცვლად.
კარგი ისაა, რომ ბრიტანეთის მთავრობისთვის ახლა უკვე სულ ყველაფერი ნათელია.
ერთერთი გამარჯვებული გახლდათ ტაბულა.
ტაბულა თავად გააკეთებს განცხადებას და მერე მე დავცემ ყიჟინას”- წერს თამარ ჩერგოლეიშვილი.
ცნობისთვის, საქართველოში ბრიტანეთის საელჩომ გაავრცელა განცხადება, რომლის მიხედვითაც, საელჩოს უწევს გააუქმოს საქართველოში ადგილობრივ არჩევნებთან დაკავშირებული საგრანტო წინადადებები.