“ვნანობ ჩემს ზოგიერთ პოსტს დონალდ ტრამპზე” – რას წერს ილონ მასკი

მთავრობის ეფექტიანობის დეპარტამენტის ყოფილმა ხელმძღვანელმა, ბიზნესმენმა ილონ მასკმა პლატფორმა X-ზე დაწერა, რომ ნანობს გასულ კვირას, დონალდ ტრამპზე დაწერილ ზოგიერთ პოსტს.

“ვნანობ გასულ კვირას დონალდ ტრამპზე ჩემს ზოგიერთ პოსტს, ეს ზედმეტი იყო” – წერს მასკი X-ზე.

მანამდე, დონალდ ტრამპმა სოციალურ ქსელში დაწერა, რომ ძალიან გაკვირვებული და იმედგაცრუებულია ილონ მასკით.

ტრამპის შემდეგ, მასკმა გამოაქვეყნა საჯარო პოსტი, რომელიც მალევე წაშალა, სადაც ეწერა:
„დადგა დრო, ჩამოვაგდო ნამდვილი ბომბი: დონალდ ტრამპი ფიგურირებს ეპშტეინის ფაილებში. ეს არის ნამდვილი მიზეზი იმისა, თუ რატომ არ გამოქვეყნდა ეს დოკუმენტები. წარმატებულ დღეს გისურვებ, ტრამპ! – წერდა მასკი.

ილონ მასკსა და დონალდ ტრამპს შორის საჯარო დაპირისპირება მას შემდეგ დაიწყო, რაც მილიარდერმა გააკრიტიკა რესპუბლიკელების „დიდებული და მშვენიერი კანონპროექტი“ საგადასახადო შეღავათების შესახებ.