შინაგან საქმეთა სამინისტრო საპატრულო პოლიციის უფროსის, ვაჟა სირაძისა და განსაკუთრებულ დავალებათა დეპარტამენტის ხელმძღვანელის, ზვიად ხარაზიშვილის („ხარება“) მიერ თანამდებობების დატოვების შესახებ ინფორმაციას არ ადასტურებენ.
„არასწორია ინფორმაცია. ისინი აგრძელებენ შსს-ში მუშაობას“, – აცხადებენ უწყებაში.
ცნობისთვის, ვაჟა სირაძისა და ე.წ. ხარებას მიერ თანამდებობის დატოვების შესახებ ინფორმაცია მედიაში გავრცელდა.
შეგახსენებთ იმასაც, რომ დღეს თანამდებობის დატოვების შესახებ შინაგან საქმეთა მინისტრმა, ვახტანგ გომელაურმა განაცხადა. შინაგან საქმეთა ახალი მინისტრის პოსტზე კი პრემიერ-მინისტრმა, ირაკლი კობახიძემ გელა გელაძე წარადგინა.
შეგახსენებთ, დღეს ვახტანგ გომელაურმა შს მინისტრის თანამდებობა დატოვა და მის ადგილას უსაფრთხოების სამსახურის ხელმძღვანელის მოადგილე, გელა გელაძე დაინიშნა.
ამასთან, ნანუკა ჟორჟოლიანის მიერ გავრცელებული ინფორმაციის თანახმად, თანამდებობები დატოვეს ვაჟა სირაძემ და ზვიად ხარაზიშვილმა, იგივე „ხარებამ“.