„კოალიცია ცვლილებისთვის“ ლიდერი, ნიკა მელია, 26 მაისისადმი მიძღვნილ გუშინდელ ღონისძიებაზე, საქართველოს მეხუთე პრეზიდენტის, სალომე ზურაბიშვილის გამოსვლას სოციალური ქსელით ეხმიანება.
„26 მაისს ვულოცავ დამოუკიდებლობისთვის მუდმივად მებრძოლ ხალხს
ვულოცავ პოლიტიკურ პატიმრებს – მათი ბრძოლა, პრინციპულობა და გაუტეხელობა მოიტანს შედეგს, მოიტანს ცვლილებას.
მადლობას ვუხდი ორგანიზატორებს.
თუმცა ცვლილებას სჭირდება პოლიტიკური მკაფიოობა.
დღეს, სცენიდან ზურაბიშვილმა გამოხატა ძალიან ბუნდოვანი პოზიცია ადგილობრივ არჩევნებზე არშესვლასთან დაკავშირებით და კითხვის ნიშნები დატოვა, პირად პოზიციას აჟღერებდა თუ პლატფორმაზე არსებული ყველა
პარტიის სახელით საუბრობდა.
იმედს ვიტოვებ, რიგი პოლიტიკური პარტიები ახლა
მაინც დააფიქსირებენ მკაფიო პოზიციას.
ერთობა და კოორდინაცია მნიშვნელოვანია იყოს მკაფიო და მყარ პრინციპზე დაფუძნებული“, – წერს ის.
შეგახსენებთ, გუშინ ზურაბიშვილმა განაცხადა, რომ თვითმმართველობის არჩევნებამდე უნდა ჩატარდეს საპარლამენტო არჩევნებ ან ორივე მათგანი ერთად უნდა გაიმართოს.