ვინახულე ონისე ცხადაძე. თავად გააკეთებს განცხადებას სასამართლოზე. პატიმრები ერთიანები ვართ და არანაირი განხეთქილება ჩვენს შორის არ არისო გადმოგცათ, – დაწერა ბორის ჩელე ყურუამ სოციალურ ქსელში, პატიმრების საერთო წერილთან დაკავშირებით.
ცმობისთვის, გუშინ „დაფიონის“ facebook-გვერდზე პატიმრების სახელით გავრცელდა წერილი, რომელიც ხალხს მოუწოდებდნენ, ერთი მხრივ, 26 მაისს ქუჩაში გამოსვლის, მეორე მხრივ კი, წინა ხელისუფლების წარმომადგენლების ტრანსპარანტებით აქციებზე სიარულისგან თავის შეკავებისკენ, რადგან, წერილის თანახმად, ამას დისონანსი შეჰქონდა დემონსტრაციების მონაწილეებში.
აღნიშნული წერილი მალევე წაიშალა სოციალური ქსელიდან, თუმცა წერილს სოციალურ ქსელში გამოეხმაურა ონისე ცხადაძის ძმა, სანდრო ცხადაძე. მისი თქმით, მისმა ძმამ მას შემდეგ დაურეკა რაც ციხეში, ტელევიზიით კობახიძის განცხადება მოისმინა. როგორც სანდრო ცხადაძემ თქვა, მისმა ძმამ მხოლოდ ის იცოდა, რომ წერილი 26 მაისს დაგეგმილ აქციას შეეხებოდა.
ბორის ჩელე ყურუამ 21 მაისს განაცხადა, რომ ციხეში რეჟიმის ერთ-ერთი პატიმარი, ზვიად ცეცხლაძე მოინახულა, რომელმაც დაუდასტურა, რომ 20 მაისს სოციალურ ქსელში რეჟიმის პატიმრების სახელით გავრცელებული განცხადების ტექსტი მისი დაწერილია, რომელიც სხვა პატიმრებსაც გააცნო და განცხადებას ისინიც შეუერთდნენ.
21 მაისს რეჟიმის პატიმრების ოჯახის წევრებმა ერთობლივი განცხადება გაავრცელეს, სადაც წერენ: “მიგვაჩნია, რომ ყველაფერი, რაც შეიძლება ანაწევრებდეს პროტესტს ან იწვევდეს გაურკვევლობას, ეწინააღმდეგება ჩვენს მიზნებს და ემსახურება მტრის ინტერესებს”.