გუშინ „დაფიონის“ facebook-გვერდზე პატიმრების სახელით გავრცელდა წერილი, რომელიც ხალხს მოუწოდებდნენ, ერთი მხრივ, 26 მაისს ქუჩაში გამოსვლის, მეორე მხრივ კი, წინა ხელისუფლების წარმომადგენლების ტრანსპარანტებით აქციებზე სიარულისგან თავის შეკავებისკენ, რადგან, წერილის თანახმად, ამას დისონანსი შეჰქონდა დემონსტრაციების მონაწილეებში.
აღნიშნულს პოლიტიკოსი, ადვოკატი ბორის ჩელე ყურუა სოციალური ქსელით გამოეხმაურა.
„ზვიად ცეცხლაძე ვინახულე
მითხრა რომ წერილი მან დაწერა
საკანში მასთან ერთად სხედან ვალერი თეთრაშვილი, გურამ მირცხულავა და საბა ჯიქია, მათ საკანშივე მოაწერეს ხელი
14 მაისს სასამართლოზე წასვლის დროს, ზვიადმა წერილი წაიღო, ტექსტს გაეცნო, მოიწონა და ხელი მოაწერა:
ვეფხია კასრაძემ
ვასილ კაძელაშვილმა
გიორგი გორგაძემ
ირაკლი მიმინოშვილმა
ინსაფ ალიევმა (უთარგმნეს რუსულად)
თორნიკე გოშაძემ
ნიკოლოზ ჯავახიშვილმაა
15 მაისს მისმა თანამესაკნეებმა გურამ მირცხულავამ და ვალერი თეთრაშვილმა წერილი იგივე ხერხით გააცნეს 11 კაციან ჯგუფს, საიდანაც რვამ მოიწონა და ხელი მოაწერა.
ჩემი მიზანი იყო წერილის წარმომავლობის და ავთენტურობის გარკვევა, რაც გავარკვიე გიყვებით.
კონსპირაციულ თეორიებს თუ აღარ ააგებთ კარგი იქნება“, – წერს ყურუა.