სტამბოლი-ბათუმის თვითმფრინავი, რომელიც ბათუმის აეროპორტში დაჯდომას ვერ ახერხებდა, რიზეში დაჯდა, – ამის შესახებ „პრაიმტაიმს“ ბათუმის აეროპორტში განუცხადეს.
მათივე ცნობით, მიზეზი მეტეოროლოგიური პირობები იყო. თვითმფრინავი ბათუმში ძლიერი ქარის გამო ვერ დაჯდა.
სტამბოლი-ბათუმის რეისი ბათუმის საერთაშორისო აეროპორტში 21:30 საათზე უნდა ჩაფრენილიყო, თვითმფრინავი დაფრენას რამდენიმე წუთის განმავლობაში ცდილობდა.