[VIDEO] ვრცელდება ბექა ონიანზე თავდასხმის კადრები

“ტვ პირველი” სპორტსმენის, ბექა ონიანის მიმართ ფიზიკური ანგარიშსწორების ამსახველ ვიდეომასალას ავრცელებს.

ვიდეომასალაში ჩანს, რომ ბექა ონიანზე კონკრეტული პირი ფიზიკურად ძალადობს, რა დროსაც ონიანი მიწაზე ეცემა.

როგორც ცნობილია, 16 მაისს, თბილისში, ახალი სპორტის სასახლის მიმდებარე ტერიტორიაზე ბექა ონიანზე ფიზიკურად იძალადეს. მან თავის არეში სიცოცხლისთვის სახიფათო დაზიანებები მიიღო. ონიანი გადაყვანილია კავკასიის მედიცინის ცენტრში, მისი მდგომარეობა სტაბილურად მძიმეა, იმყოფება ხელოვნურ კომაში.

არსებული ცნობებით, 16 მაისს, მატჩის დროს, ფეხბურთელებს შორის შელაპარაკება მოხდა. ოჯახის წევრების თქმით, ბექა ონიანი ინციდენტში არ მონაწილეობდა, თუმცა მას თავს დაესხნენ და ფიზიკურად გაუსწორდნენ.