მაშველებმა მტკვარში 15 მაისს გადავარდნილი ავტომობილი იპოვეს და წყლიდან ამოიყვანეს. არსებული ინფორმაციის მიხედვით, მანქანაში ორი ადამიანის ცხედარი ნაპოვნია, ერთ-ერთი, სავარაუდოდ, უტა ელიავაა. უტას მეუღლე და ორი პატარა შვილი დარჩნენ.
დაღუპული კაცის მეუღლე, გვანცა გოროზია, სოციალურ ქსელში ქმრის ბოლო შეტყობინებას ავრცელებს.
შეგახსენებთ, რომ მაშველებმა ორი ცხედარი აღმოაჩინეს, ხოლო მესამე დაკარგული პირის ძებნა კვლავ გრძელდება.
ავტომობილის აღმოჩენა მტკვრის კალაპოტში წყლის დონის ხელოვნური შემცირების შედეგად გახდა შესაძლებელი.
14 მაისს, გამთენიისას, მტკვარში ავტომობილი გადავარდა, რომელშიც ოთხი ადამიანი იმყოფებოდა. ერთ-ერთი პირი მაშველებმა მალევე ამოიყვანეს. გარდა ამისა, 23 წლის ახალგაზრდას პოლიცია ავარიაში მონაწილეობისათვის უკვე აკავებს.