“ტვ პირველის” ჟურნალისტის, მარიამ მაკასარაშვილის თქმით, გიორგი შინჯიკაშვილის მამამ გადაღების პროცესში ხელი შეუშალა, ტელეფონი წაართვა და ხელი გაარტყდა.
როგორც ჟურნალისტი ამბობს, მას ამ დრომდე ჩამორთმეული აქვს საკუთარი მობილური ტელეფონი და ასევე, კომპანიის მფლობელობაში არსებული ტექნიკა.
“გიორგი შინჯიკაშვილის მამამ თავდაპირველად ჩემს ოპერატორს წაართვა აპარატურა, კამერა, რომლითაც ვწერდით ინტერვიუს, ამის შემდეგ მეც გამომართვა ტელეფონი, ხელიც კი გამარტყა. […]
ჩამორთმეული გვაქვს საკუთარი მობილური ტელეფონი და ასევე, კომპანიის მფლობელობაში არსებული ტექნიკა. ამ დრომდე არცერთი ძალოვანი უწყების თანამშრომელი არ გამოჩენილა, საინტერესოა, როდის ექნება უწყებას რეაგირება. ტექნიკა ახლა არის გიორგი შინჯიკაშვილის სახლში, რომელიც მისმა მამამ გაიტაცა. ის ჩვენ გვესაუბრებოდა და უცებ გახდა […] სახეზე დაზიანებები აღგვენიშნება მეც და ჩემს ოპერატორსაც, კამერაც იყო დაზიანებული, მოტეხილი ჰქონდა ნაწილები და ასე შეიტანა სახლში. […]” – თქვა ჟურნალისტმა, მარიამ მაკასარაშვილმა.
მანამდე, “ტვ პირველის” საინფორმაციო სამსახურის უფროსმა, ნოდარ მელაძემ გაავრცელა ინფორმაცია მომხდარ ინციდენტთან დაკავშირებით და თქვა, რომ გამოძახების მიუხედავად, ძალოვანი უწყებიდან ადგილზე არავინ მისულა.