ადგილობრივი პოლიციის ცნობით, პოლონეთში, ვარშავის უნივერსიტეტში, 53 წლის ქალი ნაჯახის გამოყენებით მოკლეს.
უნივერსიტეტის განცხადებით, მოკლული ქალი მათი თანამშრომელი იყო და თავდასხმა უნივერსიტეტის მთავარი კამპუსის შენობაში მოხდა და სერიოზულად დაშავებულია მათი დაცვის წევრიც, რომელიც ქალის დასახმარებლად მივიდა.
პოლიციის მიერ გავრცელებული ინფორმაციით, მკვლელობის ბრალდებით დაკავებულია 22 წლის პოლონელი კაცი, მკვლელობის მოტივი კი ამ დრომდე უცნობია.
თავდამსხმელი სამართლის ფაკულტეტის მესამე კურსის სტუდენტია.
უნივერსიტეტმა მომხდარი ტრაგედიის ფონზე გლოვის დღე გამოაცხადა და დღეს ლექციები არ ჩატარდება.