გლდანის მე-8 დაწესებულებიდან ვივამედში მძიმე დაზიანებებით გადაყვანილი 46 წლის პატიმრის, იოსებ გორგაძის გარდაიცვალებასთან დაკავშირებით კლინიკა ვივამედის სამედიცინო დირექტორი ზურაბ ჩხაიძე მედიასთან კომენტარს აკეთებს და ამბობს, რომ პატიმრის გარდაცვალების ოფიციალური მიზეზი თავის ტვინის ტრავმაა.
“ოფიციალური მიზეზი იყო თავის ტვინის ტრავმა და ეს ლეტალური შედეგი განვითარდა თავის ტვინის ტრავმული დაზიანების შედეგად…” – განაცხადა ჩხაიძემ.
შეგახსენებთ, 46 წლის იოსებ გორგაძე კლინიკა “ვივა მედში” მძიმე დაზიანებებით იანვარში გადაიყვანეს. ამ დროის მანძილზე ის კომაში იმყოფებოდა და გასულ ღამეს დაიღუპა.