ოკუპირებულ ცხინვალში მასშტაბური სპეცოპერაცია მიმდინარეობს. ინფორმაციას ადგილობრივი მედია ავრცელებს.
ე.წ. შინაგან საქმეთა სამინისტროს ცნობით, სპეცოპერაცია “მაღალი რანგის თანამდებობის პირზე თავდასხმას” უკავშირდება.
მედია წერს, რომ ამ დროისთვის უკვე 6 პირია დაკავებული – მათი ავტომობილისა და საცხოვრებელი სახლების ჩხრეკის დროს იარაღი და ასაფეთქებელი მოწყობილობები ამოიღეს. ასევე ნაპოვნია მოსკოვის მიმართულებით ორი ბილეთი.
ცნობილია, რომ სპეცოპერაცია ამ დრომდე მიმდინარეობს.