ავარიის შედეგად დაღუპული დედა-შვილი გორში დაკრძალეს – ახალგაზრდა ქალი და მისი 3 წლის შვილი უკანასკნელ გზაზე ხალხმა გააცილა.
ტაძრიდან დაწყებულ სამგლოვიარო პროცესიაში ასობით ადამიანი მონაწილეობდა.
გორში გლოვაა. დატრიალებულმა ტრაგედიამ ყველა დაადუმა.
ოჯახი დამნაშავეთა წრის გაზრდას და მათ უმკაცრესად დასჯას მოითხოვს. დედა-შვილის ოჯახის წევრების ინფორმაციით, მანქანას დაკავებული მძღოლის, რევაზ ელიზბარაშვილის არასრულწლოვანი შვილი მართავდა.
შეგახსენებთ, რომ 2026 წლის 13 ივლისს, ღამის საათებში დიდი სიჩქარით მოძრავი ავტომობილი დედა-შვილს დაეჯახა, რის შედეგადაც ორივე დაიღუპა. მომხდარზე დაკავებულია რევაზ ელიზბარაშვილი.