სამების საკათედრო ტაძარში გარდამოხსნის წესი შესრულდა. რიტუალი საპატრიარქო ტახტის მოსაყდრემ, მიტროპოლიტმა შიომ აღასრულა. შესრულდა საგალობლები, დატირება, რომელიც, დავით გურამიშვილის ლექსზე, პატრიარქის კურთხევით შეიქმნა. მრევლმა მეუფე შიოს ქადაგება მოისმინა.
წითელი პარასკევი ვნების კვირის ყველაზე მძიმე დღეა. მართლმადიდებელი ეკლესია იესო ქრისტეს ჯვარცმას, ჯვრიდან გარდამოხსნასა და დაკრძალვას იხსენებს.
“დღეს ვემთხვიოთ წმინდა გარდამოხსნას სინანულით, სიყვარულით და ავდგეთ იმ სურვილით და შემართებით, რომ დღეიდან გავხდეთ უკეთესები, ვიდრე ვიყავით აქამდე… რაშიც შეგვეწიოს უფალი ჩვენი იესო ქრისტე,” – აღნიშნა მეუფე შიომ.