გუშინ, ჩემპიონთა ლიგის საპასუხო მეოთხედფინალურ მატჩში, ხვიჩა კვარაცხელიას „პსჟ“ სტუმრად, „ასტონ ვილასთან“ 2:3 დამარცხდა, თუმცა პირველ მატჩში მოგებული 3:1-ის შედეგად, ნახევარფინალში გავიდა.
თამაშის მერე ქართველმა ვარსკვლავმა კომენტარი გააკეთა.
„დიახ, რთული იყო. კარგად დავიწყეთ, 2:0-ს ვიგებდით, მაგრამ შემდეგ თამაში შეიცვალა და მატჩი გართულდა.
თუმცა, მთავარია, რომ ნახევარფინალში ვართ. გავაგრძელებთ ბრძოლას, ბევრ შრომას და ყველაფერი იდეალურად იქნება“, – აღნიშნა ხვიჩამ.
კვარამ ასევე უპასუხა პარიზელთა მეკარის, ჯანლუიჯი დონარუმას შესახებ დასმულ კითხვას.
„როგორც ყოველთვის, ის შესანიშნავი იყო, დაგვეხმარა, რომ უფრო დიდი ანგარიშით არ დავმარცხებულიყავით. ის ბრწყინვალე მეკარე და მოედნის მიღმა შესანიშნავი ადამიანია“, – განაცხადა კვარაცხელიამ.