დაპატიმრებული ბიზნესმენი, გიორგი ჩიკვაიძე, 30-ე დღეა, შიმშილობს.
ბიზნესმენის დედის, ეკა წერეთლის თქმით, ჩიკვაიძის ჯანმრთელობის მდგომარება მძიმეა.
„აბსოლუტურად ჯანმრთელი ადამიანი, რომელიც შევიდა ციხეში დღეს ვერ გადაადგილდება, გადაადგილდება ეტლით. არ აქვს მგრძნობელობა ქვედა კიდურებში და 30-ე დღეა შიმშილობს. დაქვეითებულია მხედველობა – ფაქტობრივად, მარჯვენა თავლიდან ვერ ხედავს. 25 მარტს, როცა მისი სასამართლო იყო ჩანიშნული, მოუწყეს პროვოკაცია, ტერორი, 14 დღის ნაშიმშილები ადამიანი ჩამოიყვანეს მანქანში, ამზადებდნენ სასამართლოში წასაყვანად და ბოლოს უთრეს, არა შენ უნდა ამოხვიდე, უნდა გაგიკეთოთ ანალიზები და აქ ჩაგიტარებთ სასამართლოს. ამის შემდეგ მან საერთოდ გამოაცხადა უარი სამედიცინო დახმარებაზე. გამოუცხადა უნდობლობა ყველა იქ მომუშავე მედპერსონალს. ერთადერთი ახლა რაც გრჩება გიორგი, შენ თავს შემოუძახო, მოძებნო შენს თავში ძალა და შეწყვიტო შიმშილობა. მომავალი სასამართლოებისთვის მინდა იყო ჯანმრთელად, იმიტომ, რომ ესენი კიდევ გამოიყენებენ ვირეშმაკულ საქციელებს და არ მოგიყვანენ შენ სასამართლოში“, – ამბობს ეკა წერეთელი.
ჩიკვაიძის ბრალდების საქმეზე პროკურატურის განცხადება წაიკითხეთ ბმულზე.