გუშინ, პარიზში, ჩემპიონთა ლიგის 1/4-ფინალური ეტაპის პირველ მატჩში, ერთმანეთს ქართველი ვარსკვლავის, ხვიჩა კვარაცხელიას „პსჟ“ და ბირმინგემის „ასტონ ვილა“ დაუპირისპირდნენ.
შეხვედრის 49-ე წუთში, როცა ანგარიში 1:1 იყო. ხვიჩამ ულამაზესი გოლი გაიტანა და პარიზელები დააწინაურა.
თამაშის შემდეგ, „პსჟ“-ის მთავარმა მწვრთნელმა ხვიჩა კვარაცხელიას შესახებ ისაუბრა:
„რას ვფიქრობ მატჩის საუკეთესო ფეხბურთელად აღიარებულ კვარაცხელიაზე?
კვარა ძალიან უნივერსალურია. მისი შეძენა მას შემდეგ მინდოდა, როდესაც 2023 წელს აქ მოვედი. ის აერთიანებს ყველაფერს, რაც ჩვენს პროექტში ჩადებულია: ახალგაზრდობა, ბურთით და უბურთოდ თამაშის ხარისხი, მნიშვნელოვანი დაცვითი მოქმედებები და მაღალი დონის ფიზიკური მომზადება. ბევრი ინდივიდუალური უნარები და გამოცდილება გააჩნია. დღეს საუკეთესო ფეხბურთელის პრიზი გადასცეს, თუმცა შეიძლებოდა ეს ჯილდო „ლივერპულთანაც“ მიეღო“, – თქვა ენრიკემ.
თამაშის საუკეთესო ფეხბურთელი ხვიჩა კვარაცხელია გახდა.
შეგახსენებთ, შეხვედრის მიწურულს, ნუნუ მენდესმა კიდევ ერთღი გოლი გაიტანა და მატჩი პარიზელთა გამარჯვებით, 3:1, დასრულდა.