“ერთადერთი, რაც დამებლოკება, ეს არის სახელფასო ბარათი, მაგრამ ხელფასს რამენაირად ავიღებ. ვერ წარმომიდგენია, რომ ხელფასი ვერ ავიღო… სახელფასო ბარათი დამებლოკა”- – ამბობს მოსამართლეთა კლანის სათავეში მდგომი მოსამართლე ლევან მურუსიძე “TV პირველთან” საუბარში დიდი ბრიტანეთის მიერ მის მიმართ სანქციების დაწესებასთან დაკავშირებით.
“სიმართლე გითხრათ, მე დიდ ბრიტანეთში წასვლას არ ვაპირებ… არც ამერიკაში, რა თქმა უნდა, ვერ ჩავალ. ვივლი სოფელში ჩემთან, მზოვრში… მძიმე იქნება სანქციები, უფრო მძიმე და მტკიცე იქნება ჩემი პოზიცია, რომ არსად წასვლას არ ვაპირებ… ყველგან დავდიოდი, მაგრამ ახლა გადავწივიტე, რომ აღარსად აღარ ვიარო.”
დღეს ცნობილი გახდა, რომ დიდმა ბრიტანეთმა თბილისის სააპელაციო სასამართლოს თავმჯდომარეს, მიხეილ ჩინჩალაძესა და ამავე სასამართლოს მოსამართლეს, ლევან მურუსიძეს სანქციები დაუწესა.