დიდმა ბრიტანეთმა თბილისის სააპელაციო სასამართლოს თავმჯდომარეს, მიხეილ ჩინჩალაძესა და ამავე სასამართლოს მოსამართლეს, ლევან მურუსიძეს სანქციები დაუწესა.
დოკუმენტის მიხედვით, ორივე მათგანს გაეყინება ბრიტანეთის ტერიტორიაზე, მათ კუთვნილებაში არსებული ყველა სახის ქონება, მათ შორის, ფინანსური ანგარიშები.
„ I. შეამოწმეთ, გაქვთ თუ არა ანგარიშები, ფინანსები ან ეკონომიკური რესურსები აღნიშნული პირების ან მათ მიერ კონტროლირებადი სუბიექტების მფლობელობაში
II. გაიყინოს ასეთი ანგარიშები, სხვა სახსრები და ეკონომიკური რესურსები
III. თავი შეიკავეთ იმ სახსრებითა და ფინანსური რესურსებით ვაჭრობისგან, რომელიც პირდაპირ ან ირიბად სარგებელს მოუტანს აღნიშნულ პირებს, თუ ამაზე ნებართვა არ გასცა ფინანსური სანქციების განხორციელების ოფისმა [OFSI];
IV. ეჭვის შემთხვევაში, ნებისმიერი ინფორმაცია მიწოდებული უნდა იქნას ფინანსური სანქციების განხორციელების ოფისისთვის [OFSI]. თუ ინფორმაცია ეხება სახსრებსა ან ეკონომიკურ რესურსებს, მისი რაოდენობა და ღირებულება ასევე უნდა იყოს მოხსენებული“, – აღნიშნულია დოკუმენტში.