ვეტერანი ქართველი ფეხბურთელი, გიორგი ქინქლაძე საქართველოს ნაკრების ნახევარმცველის, გიორგი ქოჩორაშვილის „ლევანტედან“ ლისაბონის „სპორტინგში“ ტრანსფერს სოციალური ქსელით ეხმაურება.
„მინდა მივულოცო გიორგი ქოჩორაშვილს დამსახურებული ტრანსფერი პორტუგალიური ფეხბურთის გრანდში.
ქოჩორა მაგალითია შრომის, შეუპოვრობის, თავდადებისა და ერთგულების. გულწრფელად მიხარია რომ ქართველი ფეხბურთელების ასპარეზი იზრდება და თითოეული მათგანი თავაწეული ტოვებს საფეხბურთო მინდვრებს. ქართული ფეხბურთი ვითარდება, წინ კიდევ ბევრი გამარჯვება გველის“, – წერს ის.