საფეხბურთო პორტალმა Transfermarkt-მა ფეხბურთელების სატრანსფერო ფასები განაახლა.
ცვლილებების მიხედვით, „პსჟ“-ის ქართველი ვარსკვლავის, ხვიჩა კვარაცხელიას ღირებულებამ €5 მილიონით დაიკლო და €80 მილიონი შეადგინა;
€10 მილიონით შემცირდა საქართველოს ნაკრებისა და „ვალენსიას“ მეკარის, გიორგი მამარდაშვილის ფასი და ის ახლა €30 მილიონია;
€2 მილიონით გაიზარდა „ლიონის“ ქართველი ცენტრფორვარდის, გიორგი მიქაუტაძის სატრანსფერო ღირებულება. შედეგად, მისი ფასი €20 მილიონი გახდა;
ასევე €2 მილიონით გაიზარდა „სენტ-ენტიენის“ შემტევის, ზურიკო დავითაშვილის სატრასფერო თანხა და მან €10 მილიონი შეადგინა.
რაც შეეხება საქართველოს ეროვნული ნაკრების მთლიან ღირებულებას, თანხა €192 მილიონიდან €181 მილიონამდე შემცირდა.
ცვლილებებია FIFA-ს რეიტინგშიც – საქართველო 68-დან 66-ე ადგილზე დაწინაურდა.