საქართველოს ნაკრების ფეხბურთელის, გიორგი ქოჩორაშვილის მამა, როინ ქოჩორაშვილი სოციალური ქსელით გუშინ, „დინამო არენაზე“, საქართველო-სომხეთის მატშიც დასრულების შემდეგ მომხდარს ეხმაურება.
„ის, რაც გუშინ სომხეთთან საფეხბურთო მატჩის შემდეგ მოხდა, ნამდვილად არ იყო სასიამოვნო სანახავი, თუმცა ცოცხალ საფეხბურთო ცხოვრებას ახლავს ასეთი მომენტები და ეს მღელვარე ემოციები, ზოგჯერ ცუდად სანახავიც, მატჩის დასრულებისთანავე წარსულს ბარდება და მომენტალურად ქრება. ასეა, ფეხბურთში.
ამიტომ, ამ ფაქტის ჩვენს ქვეყანასა და ხალხზე განზოგადება, მისი პოლიტიკურად დღის წესრიგად ქცევა, ორი მეგობარი, მეზობელი ქვეყნის ურთიერთობის ამ სიბრტყეში განხილვა და საზოგადოების დაყოფა ამ საკითხშიც, მიმაჩნია არასწორად.
კიდევ ერთხელ ვულოცავ ჩვენს ქვეყანას და ხალხს ამ გამარჯვებას!“, – წერს ქოჩორაშვილი.
შეგახსენებთ, თამაშის დასრულების შემდეგ, ქართველ გულშემატკივართა ნაწილი მოედანზე შეცვივდა, რასაც სომეხი სტუმრების შეურაცხყოფა მოჰყვა.
ამას დიდი გამოხმაურება მოჰყვა როგორც საქართველოში, ისე სომხეთში.
სავარაუდოა, რომ მომხდარის გამო, UEFA-მ საქართველო დასაჯოს.