„ნაციონალური მოძრაობის“ ერთ-ერთი ლიდერი, ლევან ხაბეიშვილი სოციალურ ქსელში დაპატიმრებული ბიზნესმენის, გიორგი ჩიკვაიძის შესახებ პოსტს აქვეყნებს.
„ალბათ რამდენი ქოცი “ეტენებოდა”, სანამ რეჟიმს, ივანიშვილს დაუპირისპირდებოდა.
რამდენი ქოცი ხელებში უყურებდა, რომ იქნებ რამეს/ფულს გამორჩენოდა მისგან.
კარებს უტალახებდნენ, ტელეფონზე “სმს”-ებითა და ზარებით “ანებივრებდნენ”, მილოცვებით, პირფერობით ცაში აჰყავდათ…
და ახლა?! ახლა ქოცი დუმს.
უყურებს როგორ ატერორებენ მას და მის ოჯახს, მშვიდად უყურებენ მისი მშობლების ცრემლებისგან ჩაშავებულ თვალებს! უსამართლობაზე, მის პატიმრობაზე, ელემენტარული კაცობა, ადამიანობა არ ჰყოფნით ხმა ამოიღონ, მხარში დაუდგნენ, გაამხნეონ, გააპროტესტონ…
ასეთია ქოცი – მისი აზროვნებით, ღირებულებით და თავად დაარქვით, რა ჰქვია ასეთ საქციელს.
სოლიდარობა ამ ახალგაზრდა ბიჭს, რეჟიმის ტყვესა და პატიმარს!
მისი ჯანმრთელობა, სიცოცხლე, რომ იყოს უზრუნველყოფილი მნიშვნელოვანია შიმშილობა შეწყვიტოს!
ძალას დავუპირისპიროთ ძალა!✊🏼🇬🇪“, – წერს ის.
შეგახსენებთ, რომ ჩიკვაიძე 11 მარტს დააკავეს. მის ბრალდების დეტალები წაიკითხეთ ბმულზე.
9-დღიანი შიმშილობის შემდეგ, გუშინ გიორგი ჩიკვაიძე საავადმყოფოში გადაიყვანეს.