საქართველოს მესამე პრეზიდენტი, მიხეილ სააკაშვილი სოციალურ ქსელში დაპატიმრებული ბიზნესმენის, გიორგი ჩიკვაიძის შესახებ პოსტს აქვეყნებს.
„გიორგი ჩიკვაიძე ისჯება იმიტომ რომ მან ამხილა და კონკრეტულად გამოამზეურა ივანიშვილის კავშირები ეფ-ეს-ბესთან და მისი კურატორი დაასახელა.
ის უკვე მე-11 დღეა შიმშილობს. მინდა მოვუწოდო მას შეწყვიტოს შიმშილობა. ის გვჭირდება ცოცხალი და ჯანმრთელი, როგორც ძალიან მამაცი და უკიდურესად საჭირო მოწმე.
გიორგი მოგიწოდებ ბრძოლის გაგრძელებისკენ სხვა მეთოდებით“, – აღნიშნულია პოსტში.
შეგახსენებთ, რომ ჩიკვაიძე 11 მარტს დააკავეს. მის ბრალდების დეტალები წაიკითხეთ ბმულზე.
9-დღიანი შიმშილობის შემდეგ, გუშინ გიორგი ჩიკვაიძე საავადმყოფოში გადაიყვანეს.