თბილისის საქალაქო სასამართლოში მიმდინარე სხდომაზე მსახიობმა ანდრო ჭიჭინაძემ პროკურორებს მიმართა:
“პროკურორებს მივმართო, მსურს ვუთხრა, რომ შემომხედონ. თქვენი ბრალდება ჰგავს, ერთ-ერთი მწერლის პერსონაჟებს, რომლებიც ლაპარაკობენ, ერთი შეხედვით გაუგებარ ენაზე. მე ვერ ვიგებ რაზე ვდავობთ. თქვენი ბრალდების მიხედვით რას მედავებით. ჯგუფურობაზე მერე ვილაპარაკებ. ანდრო ჭიჭინაძემ იქ რა დააშავა ეგ არის გაუგებარი. ჯგუფურობას არ სჭირდება ნაცნობობაო, ესეც ახალი გამოგონებაა. როგორ შეიძლება ჩვენ გვერქვას ჯგუფი და საერთო ნაცნობები არ გვყავდეს. ეს გადასარევი ადამიანები ნახევარი ერთ სასამართლოზე გავიცანი, ნახევარი მეორეზე. ეს ხალხი ერთ ჯგუფში ვართ მოაზრებულები და ერთმანეთს არ ვიცნობთ. პლუს ამას სხვადასხვა დროზე გვედავებით.
კიდე ერთ რამეს დავამატებ. ორი სიტყვა ვთქვა ბოლო პერიოდში სხვადასხვა სახით გამოვლენილ შეშინების მცდელობაზე. ვერავის შეაშინებთ, თუ ვინმეს ეშინია ესეც ადამიანური რამე არის. იმისთვის ვართ ადამიანები, რომ გვაქვს ეს შიშები. ჩვენ ამ შიშებს გადავაბიჯებთ და სათქმელი ყოველთვის ითქმება.” თქვა ჭიჭინაძემ.