გიორგი ბაჩიაშვილს პროკურატურამ კიდევ ერთი ბრალდება წარუდგინა. ქვეყნიდან წასულ თანაინვესტირების ფონდის ყოფილ ხელმძღვანელს ამჯერად გამოძიება საზღვრის უკანონო კვეთას ედავება – ინფორმაციას “ტვ პირველი” ავრცელებს
პროცესზე, უნდა მივიდეს საქმის პროკურორი, რომელიც სავარაუდოდ ისაუბრებს მარშრუტზე რომელი მარშრუტითაც დატოვა ბაჩიაშვილმა საქართველო.
მათივე ინფორმაციით, საქმის მასალები საგამოძიებო უწყებამ ბაჩიაშვილის ადვოკატს ცოტახნის წინ გადასცა.
“არ არის გამორიცხული, დღესვე სასამართლომ მისთვის პატიმრობის შეფარდების საკითხზეც იმსჯელოს. სასამართლო პროცესის შემდეგ პროკურატურას შეეძლება ბაჩიაშვილი ძებნილად გამოაცხადოს ჯერ საქართველოში, შემდეგ კი უკვე ინტერპოლით.
სულ რამდენიმე წუთია, რაც წარუდგინეს ბრალდება დაუსწრებლად საზღვრის კვეთასთან დაკავშირებით. შესაბამისად, ვინაიდან გიორგი პირადად არ იმყოფება და მას ვერ ბარდებოდა, ჩავიბარე მე ეს დადგენილება როგორც ადვოკატმა. საერთაშორისო ძებნამდე უნდა გამოცხადდეს შიდა ძებნა. ჩვენს შემთხვევაში, თუკი სასამართლო მიიღებს გადაწყვეტილებას, რომ შეედარდოს დაპატიმრება, ეს უკვე საფუძელი ხდება შიდა ძებნის გამოცხადების და ამის შემდეგ უკვე საერთაშორისო ძებნის, – ამბობს ადვოკატი ლევან მახარაშვილი.
4 მარტს, გიორგი ბაჩიაშვილმა Facebook-ზე დაწერა, რომ საქართველო დატოვა. მოგვიანებით თანაინვესტირების ფონდის” ყოფილმა ხელმძღვანელმა, რომელსაც პასპორტი ჩამორთმეული აქვს, “ტვ პირველის” გადაცემა “რეაქციაში“ ისაუბრა და თქვა, რომ ქვეყნიდან წასასვლელად “სისტემაში არსებული ხვრელები და ადამიანებიც” გამოიყენა.
ბაჩიაშვილი არ ასახელებს, თუ რომელ ქვეყანაში იმყოფება.